楼高睇得多。
晚上响公司加班，偶然的休息时间，企响茶水间望望下面嘅深大，灯火通明地方俨然有一片绿地，系个高夫练习场地，顿时想起比果总忽悠过一次嘅观澜高尔夫活动变温泉行程…..自然脱口而出“原来晚上那个场地都开喔”。
之后嘅事情就系三人即时抽筋前去打左甘大个仔第一次嘅高夫……
一杆到手即时feel到呢种被誉为人间凶器嘅迷人魅力，真系居家打狗防身必备嘅上好装备。
讲到球杆以前经常想过，我第一次打，会不会直接飞左支杆出去…挥杆百几次，击空无数之后发觉…查实想飞杆都几难下，因为握手位D摩擦力真系唔系一般的大啊，以至于章总感动到用左真皮一块相赠与同样系佢第一次打波嘅呢个地方，如此真情流露的事情令果总同我都深刻感到章总如水晶一般的纯洁心灵。
讲返打波体验，我有响个场地装下隔壁D啊伯伯嘅姿势，临场学习下一向系我嘅强项，纠正个握杆手势，站位。真系即时好好多喔，睇来光靠个蛮力只能真系防防身用，要打个球仔去到150米系要D技术嘅，我基本上最好嘅成绩都系介于100~150米之间左右。隔开几个卡位D高人，打到个球好像个炮弹一样飞出去，保守视觉估算无200都有150以上挂…
不过，认真想想，我对高尔夫最大嘅兴趣好像是那些白色嘅小场地车…
响个广阔的场地开架高尔夫场地小车四围乱转…
好，当晚临场水完日志。