niko.lu

少有嘅一眼钟情鞋仔，对于我呢D挑剔到令人厌恶嘅人来讲，真系奇迹嘅缘分！半年前偶然网络遇见，寻迹至Lacoste官网，发现系08年季品，瞬时已经有难以寻觅嘅预感，都过左半年神早下柜叻…但为左呢个如此罕有嘅一眼钟情缘分，我寻找过深广两地嘅卖店，都毫无收获，广州广百总仓店甚至都无呢只色嘅入货记录，网络上嘅信息大家都知道大部分系垃圾，令我生疑呢只色版根本无响内地出售过…无奈之下香港搜刮之行都已经提上日程。不过终于都无逃出我兽心！终于比我发现YOHO上有货出！刚刚发现嘅时候都有D小插曲，因为一直都怕买左唔合穿，所以我一向都唔中意响网上买鞋，呢次我已经响专卖店试过同款另一只色嘅码数，确认过OK，所以即时头脑充血兴奋到死，准备订购，(游戏行内就是冲动消费的现实例子）偏偏…43码无货…果一瞬间真系想一脚踢飞个显示器，最憎恨D比左你希望却唔比机会你嘅事情，真系送你上天堂再一也踩你落地狱#&%￥*￥@&#￥*

终于等到依家，如此可爱嘅时间，人生苦短，及时行乐，虽然小小奢侈，但寻觅到拥有心头好系人生一大快事！

因为我信条系“花心机省钱不如努力花心机去赚钱啦！”

我呢D土人为左对鞋仔搞禁多嘢，原来我有时候真系好抽筋下…

CAMDEN REPEAT CROC A ]]>

买左台XB后发觉真系应晒果句"有时间的时候没有钱，有钱的时候没时间"，唔系话我发左达，而系话等到自己出来做野有D收入之后，终于买到以前恨左好耐个游戏机，但发觉已经无乜时间去玩，同埋无左以前钻研游戏个精神，想当年红白机时代，刮尽D游戏所有地图，分支，彩蛋…为左D日文菜单去翻图书馆个个字查找，企图翻译…高度留意每期游戏杂志，因为无钱买，所以就要响D书摊到用最至诚最无赖嘅心态去翻晒各类Game志，搞到成为多个书摊嘅姐姐仔，哥哥仔，阿姨，啊叔，啊婆，啊公嘅绝对黑名单…晚上半夜偷偷摸出客厅做好出来做其他野个伪装后，研究出可以最快关电视同收埋台游戏机嘅方位同动作，然后继续王子救公主嘅伟大旅程…（后期被家人以摸电视机是否发热以破解-。-)。甚至升级到仲要自己制作5号电池去替代记忆卡带电池维持D记录，仲要因为发现响开机玩紧时候可以更换电池去延续记录而高兴到通宵无训着（因为5号电电力有限）…
一勾起呢D回忆真系令人怀念，睇返依家，虽然响屋企家人仲会偶尔讲下唔好玩太耐之外，已经无乜自身之外嘅阻力，但系却无办法仲好像以前甘潜心入游戏，作为同是游戏制作人，我真系觉得愧疚创造呢D游戏嘅人，毕竟里面一个小小嘅物件就系人地创造嘅心血，但唔知道点解，就算有左对人地工作嘅敬佩之心但就系无左当年个感觉，好像就系过左呢条街就无左果间店，想想返，人就系甘，一个感情碳水化学生物，唔单止系某样爱好，好多嘢一旦无左感觉，真系回天无力。所以好多D游戏买翻来就系睇睇个片头，玩玩个几分钟后就基本已经封尘于碟库之中，除了游戏自身吸引力之外，我想仲有嘅原因就系一次买太多碟，只只都系比较正嘅大作，甘就搞到玩嘅时候又心痒痒另一只，结果可想。但我想如果系正版甘又唔同讲法叻，毕竟系五个蚊子老翻使得我地唔会去珍惜…讲到珍惜，我地又有珍惜过D乜嘢……
立贴纪录，XB爆击Game，买左都年几了，真系少得可怜……以后爆一只就更新先得。

游戏原名: Battlefield: Bad Company
开发厂商:DICE Stockholm
发售厂商: EA Games
发售日期: 2008年06月23日
———————————————————————————————————————————-

游戏原名: Bionic Commando
开发厂商:GRIN
发售厂商: Capcom
发售日期: 2009年05月19日
———————————————————————————————————————————-

游戏原名: Gears Of War 2
开发厂商:Epic Games
发售厂商: Microsoft Game Studios
发售日期: 2008年11月09日
———————————————————————————————————————————-

游戏原名: Ace Combat 6: Fires of Liberation
开发厂商:Bandai Namco Games
发售厂商: NAMCO BANDAI GAMES AMERICA INC.
发售日期: 2007年10月23日

主要影人，所以先放图系果D蒸汽后代，因为有影靓女~:D。
正所谓好也沉龟底,所以D女都系迟少少先放啦，（查实原因系没PS好…）
呢次收获都好大，除了收号之外，终于认识到反光板的重要，同埋唔好开机枪一样狂击快门…(如果唔系选片时候就知死)。
呢组相片要解释下就系，一直都莫名其妙的对呢D机械结构有好感，经常经过D重型机械时候都忍不住想落车狂影。我都唔知道点解，呢个世界好多野都系甘噶啦，无法解释。
所以难得来到自然唔放过呢D火车仔，偷偷鼠左入去D机车头维护段到狂影啊，真系正就一个字！
唔知道几时先可以影到果D真正个蒸汽火车头，想起果D蒸汽弥漫个场景就激动……
不过讲返都几危险，因为经常有火车来来去去，虽然速度慢，但扎亲实定……所以系呢D环境一定要有朋友同行看风，同埋唔好戴耳机。